I TLEMZIT N TEFSUT.

                                               
Ħemleγ weltma s usagwem ger ifassen

ħemleγ weltma s umendil bu yecruren
                                      
ħemleγ weltma s wudem terfed d asawen

 

  Tirrugza-k ur txeţţer  m ur teqqimeđ d aħeqqar

   tebγiđ isem-ik ad yufrar  neţţat s ddaw uγuđar

   tebγiđ a ţefγeđ segw adrar  neţţat aţeqqim ddaw uđar

 

Ħemleγ weltma yernan cbaħa i tudrin

ħemleγ weltma yeŧfen tanaşlit di temdinin 

ħemleγ weltma yemmugren acengu s tqarħanin

 

   A wi reggwin degw-malus  wexxar i yellis n tnina

   m ur teżriđ ans-id kka  ażar-is seg Massiba

   m ur teżriđ ans-id usa jedd-is d Massinissa

Ħemleγ weltma ar tama-w mara tili

ħemleγ weltma s tusna-s tuli tizi

ħemleγ weltma γer tesdawit mara tâaddi

   Ħemleγ mara d mektiγ ay atma tafsut nne

   ay zidit wussan nni mi gfuk beŧŧu garaneγ

   ay cebħent tiram nni mi yeŧfent amkan yidneγ

Ħemleγ weltma s tutlayt i teţmesli

ħemleγ weltma s w agdud i tesakwi

ħemleγ weltma s webrid n tlelli ay dewwi

         Ass-a yusa d wass nni  nessaram ula d nekwni

         neżra tilelli telha  mara s nezdi tadukkli

         ŗegmaγ-k a gwma amaziγ ar d abrid-ik ara nawi

         ayen yebγun yil-id yidi  acengu ur d aγ yebđi.