IZNAN

IZNAN

Tamurt n ħemmel fellam i nenna

tameslayt  inem s yes i necna

seg tallit ar tayeđ kra ur-as nebra

Teğğiđ-ed irgazen am zik am tura

amnekcam sufγent tarewla ur tella

tiγri ur tekfa  seltas a tarwa

  “Tefγ-ed teγri segw adrar  tessergagay ulawen

   a lxalat bdumt urar d lesrar id yuγalen“

 

 

Wi s yeslan yugwi ad yuγal

grawlen ižžayriyen irkwel

yuşaħ wagdud d-asawen

naâya deg lbaŧel i γ yuγen

ff yiwet tikkelt msawalen

  " Kker a mmi-s umaziγ  iŧij nneγ yuli-d

   aŧaş uya ur tneżri  nnuba nneγ tezzid"

 

 

D acawi  d amżabi  d acenwi

d amacaγ naγ d aqbayli

tilist gara nneγ ur telli

s yiwet n taγwect id n nna ţţirni     

  "A yemma aâzizen ur ţru  ţţar-im am t-id rreγ"

 

 

Γlin yergazen rγan yexxamen

ğlent lxalat  arrac ggujlen

ŗeggmen yegrawalen ur ţţun imeγrasen

ass-ammer ad wallin d acu ten-id yeđren                          

      "Nerra yak aggur teżleđ deg-s

       nerna yak itri t meŧleđ deg-s

       newwet-ak afus mi temmuteđ"

 

 

Tagrawla tedda agdud ur yaâya

aŧas nesâadda neŗwa lmerta

tayeţ γer tayeţ  nessufeγ fransa

seg wass-en ar ass-a  anda id negwra

    "Nbed γef tizi w-wass-a  akken a nessiked

      seg wass mi nessufeγ fransa  ar wanida nessaweđ"

 

 

Ama rezg-iw ass-a temzureg tmurt-iw

tawaγit-iw degs yeţwakkes umur-iw

wi d yussan ibeddel issem-iw

ayla-s yura deg wmezruy-iw

      "Teţcekkiređ iy id jedd-ik imawlan-ik

        nek la k in ţmeħsiseγ

        tewwi-đ iyi di llem-ik

        tâarqeđ iyi jedd-i ur tessineγ"

 

 

Tfuk tnekra  tlul-ed tnekra

s yissem n yal kra id nbed merra

nezŗa taggara  nekwni ur nella

akka i ţagrawla  yeččaţ bu tħila

    "Imesdurar n twaγit  tawaγit tezzi yassen

     ala  neţţat i ten iħemmlen"

 

 

Nbed nessawel  nekwni id nekwni

bedden yelmeżyen  yugwin taguni

dduklen ţţicemlit γef yidles ad yili

degw mezruy n tmurt mazal neţnadi             

  " Mazal aneγz an-muqel  ar nelħu  a nesteqsi"

 

 

Iban-ed ur yeffir ansa id nekka

ţţarwa umaziγ ur telli tuffra

a wid ur nwala muqlet taggara

iseγ ur yeţfaka refdemt a tarwa                     

   " Ak weşiγ a mmi aâzizen

     d lâib wi teţţun laşel-is"

 

 

Ur yelli d awal  ur yelli d awezγi

γas γwežif webrid  iwwid at nawi

işub naγ yuli  deg-s an illi

asgunfu ur d yegwra ar naweđ ar yeswi

    "Γas ma yella n teddu ħafi

      a netbaâ later iγ d eğğan

      akken aγ d lhun w ussan

        iđul s anga nruħ"

 

 

N muqel ar deffir aŧas i gâaddan

nwala aħiwec s yes ay d nban

tudert uzekka ulac wi-ţ yeżran

acuffu uqendur  nekwni ur t nessaram                   

  "Ħesbeγ iman-iw d aggur

    γuri yakw medden muqlen"

Yal wa amek yenna ff yidles yecna

tezdeγ imdanen  tamsalt n tmazγa

tugeţ i gâaddan tegwra-d ccama

fiħel assiwel  nellat  aqlaγ da                          

   "Fiħel asemfireâ iđarren ażebbel degw arquqen

       asuγu  g meżuγen  nekwni d imaziγen!!!!!"