Aţţaya teffeγ iberdan
ur neżri and-ara tter
am mşuđ yeğğa lawan
ur γ dban anda teffer
tezraâ zeriaâ w-waŧŧan
tamurt nneγ deg-s nenŧer
Tenŧer nenŧer a medden
wwetn-aγ nug-ad nehđer
mi ţbennun γazen izekwan
negwra-d g cdaħ d uqeşer
deg nneγ ziγ i sganayen
użan-d w ussan ur nufrar
Amek ara s naf udem-is
ŧil γ zdat muqqel ar deffir
azekk-ad yesteqsi mmi-s
afed awal ur nesâi uffir
yelli-s ad yeffeγ deg mi-s
tenγam baba ur yukir
La neqqen rennun degneγ
neţţazal ff tqweŗabin
la neqqar nezga neţnaγ
ur d n nni tiquranin
tejreħ tassa ur n chameγ
nuγen ff anw-ar-ad yinin
Tideţ d keč ay amcum
id yeğğan ŧaqa-ar deffir
teğğiđ-ed i medden ad arun
teğğiđ-ed arraw-ik deg lħir
amkan anda teţaruđ
ad ibin d issem ur neffir
Ma bedreγ-d issem ass-a
si zik i γriγ ay turiđ
lawan gi tγum tegrawla
ţnadiγ deg ađrisen i tenniđ
ass ff-ig hud w ađu ŧ-ŧejra
ur nħar gwunin-d wiyađ
Medden mi ţnadin tafat
nekwni γer ŧlam iγ rran
ţawinaγ-id lewşayat
deg zekk-ar-anaf lahna
tudert i tezwar tebrek
ula ţaggara-s akka
Umnen s Rebbi yiwen
umnen s wayen id yenna
neţţa ixelq-ed imdanen
d larbaħ deg yal kra
ilul-ed leħram γursen
d lmut si yenγan tusna
Widdak ig ččan tamurt
degneγ yezga smentagen
deg zenqan zuzuren lmut
ger ijeğğigen yeγman
lxir mazalt ur yeţfut
am assa-aţeglu yissen
Ruħ... keč a Ŧaher... keč ay azedgan
keč iγ yeğğan d igwran ger yizlan
aŧas k izwaren gw abrid ig waâren
azul i Yasin lakw d wid γ irħan
inni Dda Lmulud ff laâğeb id yeđran.
A la mémoire de Taher
Djaout et de toutes les victimes innocentes .
D asefru, d imeŧŧi n tyemmaţ, ţasa y
gezmen ţnaşfa. D asefru n tlemżit yeğğlen γef tarwa-s. D asefru n
lqerħ n wid t isâeddan, ur teţţun ur t seţţuyen kra yekka lawan.
Aucun commentaire:
Enregistrer un commentaire